Setor Turismu-ASEAN Hanesan Feto Bonita ida atrai Paises Barak!
Iha fulan kotuk liu ba, iha dia 7-13 de October 2013, United Nations Statistics Division (UNSD), Asia-Pacific Economic Cooperation (APEC) no sekretariadu Association of Southeast Asian Nations
(ASEAN) organiza seminar Internasional ba loron ha'at kona-ba “ Statistika Turismu no Komersiu" iha
Jakarta, Indonesia.
Turismu sai fator importante, ASEAN sai hanesan feto bonita ida hodi atrai
paises barak, liu-liu iha area intra regional, no entre regiaun, hanesan Australia ho Timor-Leste, ASEAN ho
East Asia, ASEAN ho Uni-Eropa.
Membru
ASEAN hatene katak redimentu bo’ot ne’ebé mai husi area seluk mak area turismu,
maski agora dadauk dadus hatudu ekportasaun ASEAN maijumenus to’o ona $ 1.25 trilhão kompara ho import $ 1.2 trilhão. Iha fiar no konfiansa bo’ot katak setor Turismu sai aspeito krusial ba
rendimentu ekonomia ba membru ASEAN nian ba futuro oin mai.
Porezemplo
iha Outubru nia laran ne’e, iha ekontru ida tan entre membru ASEAN+3 (Korea,
Japaun, no Xina), sira kolia oinsa atu halo revisaun ba planu tinan 5 oin mai kona-ba
koperasaun ne’ebé metin liu tan iha setores lima hanesan : Setor Finansial Seguransa
aihan, Edukasaun, Tursimu, no Konektividades
entre paises sira iha ASEAN. Membru sira halo memorandum ida ne’ebé liu husi
ASEAN+3 sei fortalese relasaun konektividade/ligasaun entre ema no lori
apresiasaun bo’ot ba partimonia no kultura sira ne’ebé riku atu sai diak liu
tan.
Asuntu Turismu sai topiku krusial ba
investimentu futuru ne’ebé iha prosprioridade bo’ot. Membru ASEAN riku ho
identidades, kulturas, artes, no partimonia ne’ebé iha diversidade, variedades
no ko’or oi-oin, maibe representa ASEAN ho identidade ida deit hanesan ita hatene katak ASEAN iha pilares 3
no ida mak kolia kona-ba ASEAN
Socio-Cultural Community (ASCC).
Teminilogia ASEAN Socio Cultural Community ASCC refere’e mos
ba patrimonio komunidade ASEAN ho kulrtura ne’ebé uniku, representa ASEAN. Kolia
kona-ba kultura, iha ligasaun bo’ot ba setor Turismo ne’ebé sai rekursu
ekonomia ba membru sira liu husi dezenvolvimentu area turismu nian.
Timor-Leste ne’ebé mehi atu sai membru ASEAN
iha potensia bo’ot ho kultura ne’ebé uniku, fatin historiku, artes, lisan, no paisajen
barak mak atrai turista sira hanesan Ilha Jaco, Ilikere-kere, parque nasional
Nino Konis Santana, Ilha Atauro, Ramelau, no seluk tan, e balun to’o agora seidauk identifika
no dezenvolve diak.
Perguntas bo’ot Timor-Leste, saida
mak guvernu prepara liu-liu iha area turismu, molok atu realiza nia mehi sai
membru ASEAN ihan tinan hirak oin mai?
Ministru Turismu nia papel oinsa???? Ita hein, tinan ne’e bele halo planu no
programa diak ruma!!!!
Referencia:
http://en.tempo.co/read/news/2013/11/01/074526508/EU-to-Redouble-Efforts-in-Strengthening- Relations-with-ASEAN.
http://en.tempo.co/read/news/2013/10/11/074521019/ASEAN-Builds-Stronger-Ties-with-China-Japan-South-Korea.
http://en.tempo.co/read/news/2013/10/07/056519849/UN-APEC-Collaborate-with-ASEAN-on-Trade-Tourism.
http://en.tempo.co/read/news/2013/10/11/074521019/ASEAN-Builds-Stronger-Ties-with-China-Japan-South-Korea.
http://en.tempo.co/read/news/2013/10/07/056519849/UN-APEC-Collaborate-with-ASEAN-on-Trade-Tourism.
By: Celso Fonseca
